Con motivo da celebración do Día Internacional da Muller Rural o 25 de novembro, Gadis quixo homenaxear ás mulleres produtoras das súas explotacións agrícolas de proximidade a través dunha campaña de comunicación e un evento presencial e retransmitido tamén en streaming.
En primeiro lugar, realizamos unha selección de catro produtoras locais e creamos uns guións para os vídeos de promoción do seu traballo. Visitamos ás mulleres nas súas explotacións, acompañámolas nas súas tarefas diarias e gravamos imaxes e voz para a produción dos vídeos. Estas pezas audiovisuais foron lanzadas desde a canle de Youtube de Gadis. Ademais, fixéronse versións para Instagram e TikTok.
Posteriormente, deseñamos, coordinamos relatores e provedores (cátering, streaming, montaxe…) e moderamos o evento presencial nas instalacións do CEIDA (Centro de extensión universitaria e de divulgación ambiental de Galicia) no Castelo de Santa Cruz, Oleiros, A Coruña.
Por último, tamén creamos para esta campaña as imaxes e textos para a difusión do evento e os vídeos en RRSS.
A campaña axudou a dignificar e poñer en valor o traballo das mulleres do campo, a estreitar relacións de confianza entre produtoras e cliente e a visibilizar o compromiso de Gadis coa sustentabilidade social, económica e ambiental.
Se queres saber máis, podes ver os vídeos Sonia, Carmen, Rocío e Amaya ou podes ver o evento do streaming.
