Gústenos ou non, a Covid-19 deu o último empuxón que faltaba para que podamos falar de verdadeira transformación dixital. Medrando Xuntas é un programa dirixido a mulleres da Economía Social que traballa tanto habilidades duras (xestión de proxectos, márketing ou RSC, entre outras) como habilidades brandas (desenvolvemento persoal, comunicación, empoderamento…). Esta formación leva o noso inconfundible selo de ser altamente participativa. As nosas sesións buscan crear grupo, xerar sentimento de pertenza á Economía Social, vivir unha experiencia transformadora ao longo do programa e sentirse en comunidade. Para conseguir todos estes propósitos, a facilitación é clave.
O programa Medrando Xuntas ten dous itinerarios. Un dirixido a directivas e outro a socias e traballadoras. Pois ben, no caso do de directivas puidemos desenvolver con total normalidade a primeira fin de semana, que xustamente son dúas sesións de aterraxe. A seguinte sesión, xa tivemos que expolala en online e aí empezou a maxia. Resulta que puxemos un empeño extraordinario en trasladar a experiencia persoal a dixital, non replicándola, senón enfocándonos no obxectivo que perseguen cada unha das nosas intervencións. Debido á sensible e especial circunstancia de estar en pleno confinamento durante a formación, Medrando Xuntas directivas online foi un éxito sen precedentes. Practicamente o 100% de alumnas presentáronse a todas as clases, participaron activamente e clasificaron estas horas xuntas de “alivio” “respiro” “tempo para min” “aprendizaxe” e sobre todo, cambiar a idea que tiñan sobre a formación online.
Apenas unhas semanas despois deste cambio e da nova situación de estado de alarma, comezou o programa dirixido a socias e traballadoras. Tras horas de deseño e moito, moito, moito amor posto pensando en cada unha das alumnas, xeramos unha primeira sesión altísimamente participativa, íntima, divertida e moi produtiva.
Curso socias Medrando Xuntas 2020. Online
As valoracións de ambos os programas deste ano foron aínda maiores que as de anos anteriores, aínda cando sempre foran altas, este ano temos un sentimento de familia excepcional.
Queres coñecer máis do programa ? Podes ler o desenvolvemento do programa de Medrando Xuntas nesta ligazón.
